Dy shtetas të Turqisë janë arrestuar në aeroportin ndërkombëtar “Adem Jashari”, pasi kanë prezantuar viza që dyshohet të jenë të falsifikuara.
Rasti ka ndodhur dje rreth orës 19:30.
Sipas raportit policor, dy të dyshuarit prezantuan vizat e falsifikuara gjatë kontrollimit të dokumenteve.
Dokumentet në fjalë janë konfiskuar si dëshmi, nga njësitet relevante.
Të dytë, pas intervistimit, janë dërguar në mbajtje.
