Policia e Kosovës ka bërë të ditur se po e heton rastin e djeshëm në Stacionin e Autobusëve në Prishtinë, ku një alarm për bombë rezultoi të ketë qenë i rrejshëm.
Edhe në raportin 24-orësh, Policia ka përsëritur se pas ekzaminimit nga njësitet e specializuara, është konstatuar se nuk bëhej fjalë për ndonjë mjet shpërthyes.
“Lidhur me rastin është njoftuar prokurori, ndërsa hetimet për identifikimin e personit që ka bërë kallëzimin vazhdojnë”, thuhet po aty.
