Një aksident trafiku mes dy veturave ka ndodhur në fshatin Sllatinë, nga i cili janë shkaktuar kolona të gjata në drejtim të Fushë Kosovës, raporton ATV.
Gazetarja e ATV-në, Jeta Selmanaj, në një lidhje të drejtpërdrejt në A LIVE nga vendi i ngjarjes thotë se ka mbi 30 minuta që kanë mbetur të bllokuar në rrugë, për shkak të këtij aksidenti.
“Ne realisht kemi qenë në një terren në komunën e Malishevës dhe gjatë rrugës e kemi parë se sa shumë tullovish krijuar nga moti i lig. Aktualisht jemi në fshatin Sllatinë, pak para se të hyjmë, domethënë në komunën e Fushë Kosovës. Jemi këtu diku qe 30 minuta, kemi pa që ka ndodhur një aksident rrugor, janë ndeshur dy makina. Siç edhe po shihet kolona është shumë e gjatë. Ka diku 30 minuta që jemi këtu dhe për shkak të aksidentit edhe pothuajse është bllokuar rruga”, tregon gazetarja.
Ajo thotë se, edhe pse nuk kanë mundur të ndalen që të shohin nëse nga ky aksident ka të lënduar, janë parë dy ambulanca në vendin e ngjarjes. /atvlive.tv
Më shume detaje i gjeni në A LIVE në videon e më poshtme:
