Presidenti ukrainas Volodymyr Zelensky ka thënë se njësitë ukrainase po mbajnë vijën e frontit falë guximit të ushtarëve dhe mbështetjes nga partnerët.
Këtë e ka bërë të ditur kreu i shtetit në aplikacionin e mesazheve Telegram, transmeton Ukrinform.
“Brigadat tona po mbajnë vijën e parë falë trimërisë së ukrainasve dhe mbështetjes së partnerëve tanë. Tani për tani, është veçanërisht e rëndësishme të ndjejmë ndikimin e marrëveshjeve tona në vijat e frontit. Këto marrëveshje duhet të zbatohen sa më shpejt që të jetë e mundur – Nga kjo varet rrjedha e luftës, vetëm veprimet që forcojnë pozitën e Ukrainës dhe përkeqësojnë situatën e pushtuesve, do ta detyrojnë Rusinë të kërkojë paqen”, tha Zelensky.
Ai falënderoi “të gjithë ata që punojnë dhe luftojnë për Ukrainën, për popullin tonë dhe për interesat tona”.
Rreth 194 përleshje luftarake midis forcave ukrainase dhe pushtuesve rusë u regjistruan më 17 shtator, shumica e tyre në sektorët e Pokrovsk dhe Kurakhove./Ukrinfrom/
