Kryenegociatori kosovar në dialogun Kosovë-Serbi, Besnik Bislimi, ka konfirmuar se është caktuar një takim mes dy delegacioneve për të martën e ardhshme.
Mediat në Serbi gjatë ditës raportuan për këtë takim, por akuzuan palën kosovare se ka refuzuar takimin trepalësh.
Megjithatë, Bislimi thotë se kjo informatë është gënjeshtër, pasi, sipas tij, Kosova ka pranuar takimin trepalësh më 17 shtator, sipas agjendës së caktuar nga ndërmjetësi.
Ai i bëri thirrje Lajçakut që “të mohojë dezinformimin e qëllimshëm nga mediat serbe”, “të cilat thonë në mënyrë të rreme se Kosova ka refuzuar takimin trepalësh të kryenegociatorëve”.
