Shqiptarët e Luginës së Preshevës do të protestojnë përsëri kundër diskriminimit që po u bëhet nga Serbia.
Pas protestës që u mbajt në muajin gusht në Bujanoc, më 23 shtator është paralajmëruar protesta tjetër në Preshevë.
Lajmin e ka bërë të ditur deputeti shqiptar në Kuvendin e Serbisë, Shaip Kamberi i cili ka ftuar qytetarët të marrin pjesë në këtë protestë.
“Marshojmë për ndërprerjen e pasivizimit të adresave, për njohjen e diplomave, për vende pune dhe për institucione të hapura për të gjithë. Për zbatimin e Marrëveshjeve të nënshkruara dhe për përmbushjen e detyrimeve të shtetit ndaj shqiptarëve të Luginës së Preshevës. për dinjitetin dhe identitetin tonë- Dilni dhe marshoni!”, ka shkruar Kamberi.
