Lidhur me dhunën ndaj një personazhi të Tik-Tok Medi Iseni, modelja Oriola Marashi ka bërë thirrje për një protestë në mbështetje të reperit Noizy, i cili akuzohet për dhunë të rëndë ndaj Isenit.
Protesta është planifikuar të mbahet sot në orën 19:00 dhe ka për qëllim të kundërshtojë ekstradimin e Noizyt në Kosovë.
Ngjarja është ende në hetim dhe reperi duhet të përballet me drejtësinë për të përcaktuar nëse është i përfshirë në ngjarje apo jo.
Reperi i njohur Noizy dhe DJ i tij, Crax, thuhet se janë arrestuar në mesnatë në një klub nate në Shëngjin.
Sipas një njoftimi të bërë nga Policia e Shtetit, arrestimi i tyre u bë nga ‘Fast’, pasi ishin shpallur prej disa ditësh në kërkim nga Policia e Kosovës.
Në deklaratën e tyre thuhet tutje se arrestimi u bë me qëllim ekstradimin në Kosovë.
Njoftimi i plotë i Policisë së Shtetit:
“Finalizohet operacioni policor i koduar “Fast”.
Kapen nga Fast Albania dhe vihen në pranga 2 shtetas të kërkuar nga Policia e Kosovës.
Në vijim të operacioneve të njëpasnjëshme për kapjen e shtetasve të shpallur në kërkim, nga Drejtoria e Forcës së Posaçme Operacionale, Sektori për Kërkimin, Njësia “FAST Albania” në Departamentin e Policisë Kriminale në PSH, është marrë informacion nga FAST Kosova, për 2 shtetas të kërkuar për llogari të Kosovës, që mund të fshiheshin në Shqipëri.
Menjëherë, FAST Albania, bazuar në inteligjencën policore, bëri të mundur lokalizimin e 2 të kërkuarve, dhe në kuadër të operacionit policor “Fast”, kapi në Lezhë dhe arrestoi 2 shtetasit e shpallur në kërkim nga Policia e Kosovës, konkretisht shtetasin R. R., nga Durrësi, dhe shtetasin B. B., nga Prishtina.
Kapja dhe arrestimi i tyre u bënë me qëllim ekstradimin në Kosovë”.
