Përveçse shumë të shijshme, manaferrat vijnë edhe me dobi shëndetësore.
Duke qenë se edhe po i afrohemi sezonit të tyre, do të keni edhe më shumë arsye për t’i konsumuar.
Ekspertët e shëndetit thonë se ato janë një super-ushqim që mund të rrisin imunitetin dhe të reduktojnë inflamacionin.
Manaferrat lehtë gjenden në buzë të shumë fushave dhe rriten në gardhe, dhe nëse doni t’i keni në kopshtin tuaj, ato nuk kërkojnë shumë punë për t’i mirëmbajtur.
Këtu janë disa arsye pse duhet t’i konsumoni:
Janë të pasura me vitaminë C
Manaferrat janë një burim i shkëlqyer i vitaminës C, e cila ndihmon në mbrojtjen e qelizave nga dëmtimi, mbështesin sistemin imunitar, ndihmon në lëkurë dhe tek enët e gjakut.
Manaferrat janë të ngarkuara me antioksidantë
Ushqimet e pasura me antioksidantë janë të rëndësishme për t’u përfshirë në dietën tuaj. Kjo është për shkak se ato ndihmojnë në mbrojtjen e qelizave tuaja kundër stresit oksidativ të shkaktuar nga molekulat e dëmshme të radikaleve të lira që prodhohen nga faktorë të stilit të jetesës si pirja e alkoolit ose ekspozimi ndaj ndotjes dhe rrezet e diellit.
Një studim i vitit 2008 zbuloi se manaferrat, së bashku me shegën, boronicat dhe mjedrat, kanë aktivitetin më të lartë antioksidues qelizor nga të gjitha frutat e konsumuara zakonisht.
Janë plot me flavonoide
Flavanoidet janë fitonutrientë (kimikate bimore) që i japin manaferrës ngjyrën e tyre të purpurt. Përveçse kanë veti të fuqishme anti-inflamatore, disa studime sugjerojnë se konsumimi i tyre mund të lehtësojë simptomat e një kolle të keqe ose të ftohjes.
Për shembull, një studim i vitit 2015 nga Universiteti i Auckland zbuloi se njerëzit ishin 33% më të mbrojtur nga të ftohtit dhe infeksionet e traktit të sipërm respirator nëse hanin rregullisht ushqime që përmbajnë flavanoidë krahasuar me ata që nuk konsumonin.
Ato janë të mira për trurin tuaj
Sipas hulumtimeve, manaferrat mund të ndihmojnë në përmirësimin e funksionit të trurit. Një studim i vitit 2011 në Journal of Agriculture and Food Chemistry zbuloi se ekstrakti i manaferrës mund të ofrojë një efekt mbrojtës në tru, duke parandaluar humbjen e kujtesës të lidhur me moshën dhe duke përmirësuar kujtesën dhe të mësuarit.
Manaferrat mund ta bëjnë zemrën më të shëndetshme
Kur bëhet fjalë për zemrën tuaj, ajo që hani ka rëndësi. Studimet kanë sugjeruar se ushqimet me përmbajtje të lartë flavonoid, si manaferrat, mund të ndihmojnë në mbrojtjen e shëndetit tonë kardiovaskular, duke e bërë atë një përbërës të vërtetë të shëndetshëm për zemrën.
Në thelb, një grusht manaferra në ditë mund ta mbajë mjekun larg, kështu që konsumojeni sa më shumë këtë frut. /Telegrafi/
