Victor Osimhen raportohet se ka rënë dakord për kushtet personale me PSG-në, por gjigantët e Ligue 1 janë ende duke negociuar me Napolin. Sulmuesi i Napolit, Osimhen, është gati të bashkohet me PSG-në dhe tashmë ka shtrënguar duart me klubin francez.
Sipas mediave italiane, 25-vjeçari ka rënë dakord të nënshkruajë një marrëveshje pesëvjeçare me vlerë 14 milionë euro në sezon, përcjellë KosovaPress. Agjenti i tij, Roberto Calenda, ishte në kryeqytetin francez në fillim të kësaj jave për të negociuar me PSG-në dhe tani gjigantët e Ligue 1 duhet të arrijnë një marrëveshje me Napolin.
“Partenopei” dhe trajneri i tyre i ri, Antonio Conte, janë të përgatitur të ndajnë rrugët me sulmuesin nigerian, por PSG duket se nuk dëshiron të përputhet me klauzolën prej 130 milionë eurosh lojtarit.
Raportet e fundit thonë se PSG mund të paguajë 100 milionë euro dhe të përfshijë një nga lojtarët e tyre në marrëveshje.
