Sam Smith ka anuluar një tjetër koncert pasi ai dhe ekipi i tij, po ballafaqohen me një sëmundje.
Këngëtari i hitit “Stay with Me”, 30 vjeç , njoftoi në Instagram se nuk do të performojë pasi nuk ishin mirë, duke e shtyrë koncertin për muajin tjetër.
Sam shkroi: “Më vjen shumë keq t’ju bëj të ditur se ekipi im dhe unë nuk jemi ende mirë, kështu që për fat të keq ne duhet të riplanifikojmë shfaqjen në Birmingham në 27 maj 2023”.
“Është kaq e rëndësishme për mua që ne t’ju japim versionin më të mirë të turneut ‘Gloria’. Unë nuk dua që ju ta përjetoni atë në asgjë më pak nga ajo çfarë kemi përgatitur”.
“Faleminderit shumë për mirëkuptimin, e di se sa të emocionuar janë të gjithë për të parë shfaqjen.”/atvlive.tv/
