Përgatiti: Kastriot Tahiri
Gjurmë nga përmbytjet e qershorit, ka ende nëpër lagjen “2 korriku” në komunën e Pejës.
Ura të shembura, e copa asfalti ka pothuajse në secilën pjesë në rrugën “Asllan Çeshmja”.
Punimet për të cilat u tha se do të përfundojnë shpejt, nuk nisën, gjë për të cilën komuna e ka një arsyetim.
“Aty ka pas probleme shumë të mëdha, u dashtë mi vendos pikat gjeodezike, për me ditë trasenë e rrugës, se ka pas uzurpime, e keni pa edhe ju që është lagje e dendur”, tha drejtori i Shërbimeve Publike Pejë, Agron Nikçi.
Pikërisht në dimër, 6 muaj pas përmbytjeve komuna ka në plan asfaltimin e kësaj rruge.
“Para një jave e kemi nënshkruar një kontratë për asfaltimin e rrugës, e besoj që kryhet shpejt”, tha Nikçi.
Derisa punimet në rrugën Asllan Çeshmja s’kanë nisur ende, në rrugën “Azem Bejta”, që po ashtu u dëmtua nga vërshimet e muajit korrik, gjendja është më e mirë.
Në qershor të këtij viti, në këtë lagje si pasojë e përmbytjeve humbi jetën një nënë 26 vjeçe bashkë me djalin e saj 5 vjeç.
Gjithashtu u shkaktuan edhe dëme të mëdha materiale, që kalojnë vlerën mbi një milion euro.
Më shumë detaje i gjeni në Edicionin Qendror të lajmeve në videon më poshtë:
