Presidenca e Kosovës pret nga Këshilli Prokurorial i Kosovës (KPK) proces të ri për përzgjedhjen e Kryeprokurorit të Shtetit.
Bekim Kupina, këshilltar për Media i presidentes tha se të gjitha çështjet janë trajtuar në letrën/njoftimin e Presidentes, të datës 17 tetor.
“Të gjitha çështjet janë trajtuar në letrën/njoftimin e Presidentes, të datës 17 tetor. Presim nga KPK që t’i adresojë shkeljet procedurale të përmendura në atë letër, në një proces të ri”, tha Kupina për rtk.
Presidentja Vjosa Osmani, në një konferencë për media, kishte deklaruar se nuk e ka dekretuar Isufajn për kryeprokuror për shkak se kishin gjetur disa shkelje në proces.
