Këngëtares shqiptare me famë botërore, Rita Ora i është dhuruar “Çelësi i Qytetit” nga kryetari i Komunës (Bashkisë) së Prishtinës, Përparim Rama për përfaqësimin me dinjitet që i ka bërë Shqipërisë në mbarë botën.
Lajmin e ka bërë të ditur vetë Rama përmes një postimi në rrjetet sociale, ku gjithashtu i ka falënderuar çiftin për vizitën e tyre në Kosovë.
“Fantastikë Rita Ora e Taika Waititi ishte kënaqësi të ju kishim në Prishtinë! Në emër të Kryeqytetit, ju dhuruam ‘Çelësin e Qytetit’ për emocionet e veçanta që na dhuroni, dhe Rita përfaqësimin e dinjitetshëm që na bën në mbarë botën. Faleminderit Rita për dhuratën, albumi yt i ri është fantastik!
“Prishtina ju pret me zemër hapur sot e përherë”– ka shkruar ai.
Artistja së bashku bashkëshortin,Taika Waititi prej disa ditësh ndodhet në Prishtinë, ku festoi edhe 33-vjetorin e lindjes.
Ajo është pritur nga kryetari i komunës, Rama, kryeministri Albin Kurti si dhe nga presidentja Vjosa Osmani.
