Përgatiti: Jeta Selmanaj
Ka më shumë se dy muaj që telefoni në bazën e zjarrfikësve në Lipjan është jashtë funksionit.
Për shkak të mosshlyerjes së borxhit, thirrjet urgjente bëhen në Polici, e më pas zyrtarë të stacionit policor në Lipjan duhet t’i drejtohen bazës së zjarrfikësve për t’i njoftuar.
Duke treguar për rëndësinë e një telefonate, kryetari i sindikatës së zjarrfikësve, Muharrem Beka, thotë se ky problem duhet të rregullohet sa më parë.
Për mosshlyerjen e borxhit për dy muaj dhe se kur do të rifunksionalizohet lidhja në bazë, televizioni ka insistuar të marrë përgjigje dy ditë radhazi në Komunën e Lipjanit, por askush nuk ka dhënë përgjigje.
