Përgatiti: Fatlum Jashari
Ministria e Ekonomisë shpalli thirrjen për mbështetjen e konsumatorëve familjarë për subvencionimin në investimin për pajisje efiçiente elektro-shtëpiake.
Pajisjet për të cilat vlen subvencionimi janë rrobalarëset, enëlarëset dhe frigoriferët, të cilët i plotësojnë kriteret e efiçiencës, si dhe sistemi i ngrohjes së ujit me energji diellore.
Subvencionimi do të ketë tri kategori: të parën apo baziken, të dytën – për prindërit vetushqyes, që do të ketë nivel më të lartë mbështetje, si dhe kategoria e tretë, për qytetarët që janë pjesë e skemës së mbështetjes sociale – e cila do të ketë me nivelin më të madh të subvencionimit.
Vlera e subvencionimit do të varijojë në mbështetje varësisht pajisjeve dhe kategorive, nga 100 deri në 1000 euro.
Duke përmendur se vlera e përgjithshme e programeve rezidencale për efiçiencës së energjisë këtë vit pritet të shkojë në rreth 30 milionë euro, kryeministri Albin Kurti dhe ministrja Artane Rizvanolli thanë se nga ky program pritet të përfitojnë rreth 20 mijë familje.
Financuesit e këtij programi, Bashkimi Evropian, përmes përfaqësuesit të tyre theksuan subvencionimit të pajisjeve efiçente.
“Konsumatorët familjarë janë konsumatorët më të mëdhenj në krahasim me kategoritë tjera, si industria, shërbimet etj. Kjo tregon urgjencën e reduktimit të konsumit të energjisë nga konsumatorët familjarë”, tha Alessandro Bianciardi, përfaqësues i BE-së.
Aplikimi për subvencionim të pajisjeve efiçiente elektro-shtëpiake mund të bëhet përmes platformës E-Kosova, ndërsa do të jetë i hapur deri më 2 Tetor. /atvlive.tv
Edicionin Qendror të lajmeve në ATV e gjeni në videon më poshtë:
