Një ngjarje tragjike ka ndodhur mëngjesin e kësaj të marte në Velipojë ku është mbytur një 20-vjeçar.
Nga të dhënat e para mësohet se i riu ka dalë nga uji në gjendje të rënduar shëndetësore.
Menjëherë ka mbërritur ambulanca e Velipojës duke i dhënë ndihmën e parë, por 20-vjeçari nuk ka mundur dot të mbijetojë.
Paraprakisht dyshohet se 20-vjeçari ka humbur jetën nga arresti kardiak, ndërsa do të jetë ekspertiza mjeko-ligjore që do të përcaktojë shkakun e vdekjes.
Ky vit ka shënuar dhjetëra raste të mbyturish në det e liqene, ku jo më larg se në fundjavë u mbytën 4 persona në liqenin e Banjës në Gramsh./Top Channel/
