Këngëtarja Shakira me një letër emocionuese u është drejtuar mediave që ta respektojnë privatësinë e saj e ta lënë të qetë.
Nëpërmjet një shkrimi në llogarinë e saj në “Instagram”, Shakira ka thënë se në një masë e kupton interesimin e mediave meqë kanë ndodhur disa ndryshime në jetën e saj dhe gazetarët kanë kuriozitet për të dhe familjen, transmeton atvlive.tv.
‘’E shkruaj këtë kërkesë jo më si artiste, por si një nënë që dëshiron të mbrojë dhe të kujdeset për mirëqenien psikologjike dhe emocionale të fëmijëve të saj, në mënyrë që ata të bëjnë një jetë të shëndetshme dhe të lumtur, siç e meriton çdo fëmijë’’, shkroi Shakira.
Ajo tregoi se fëmijët Milan dhe Sasha kanë kaluar një vit jashtëzakonisht të vështirë pasi që çdo ditë, gazetarë të ndryshëm kishin rrethuar ata.
Tash e disa javë këngëtarja ka filluar një jetë të re në Miami, prandaj kërkoi nga mediat që ta respektojnë të drejtën e fëmijëve të saj për privatësi.
Ajo bëri lutje që paparacit të mos i ndjekin në hyrje apo dalje të shkollës fëmijët dhe në asnjë aktivitet që ata ndjekin./atvlive.tv/
Për më shumë ndiqni videon e mëposhtme:
