Avokati i Popullit, Naim Qelaj, ka ngritur shqetësime serioze për procesin gjyqësor në Dhomat e Specializuara në Hagë.
Ai thotë se ka mungesë transparence dhe llogaridhënie, dhe se nuk dihet nëse juridiksioni i kësaj gjykate është në përputhje me standardet e Kosovës për gjykim të drejtë.
Shqetësime ka edhe për kufizimin e vizitave dhe përgjimet telefonike të të paraburgosurve.
Sipas Qelajt, kryetarja Ekaterina Trendafilova i ka hedhur poshtë këto vërejtje, me arsyetimin se gjykata është transparente.
Qelaj thotë se ka parë hezitim dhe mbyllje të institucionit, ndërsa paralajmëron veprime ligjore nëse nuk merren masa.
