Deputeti i Vetëvendosjes, Vigan Qorolli, shkoi në sallën e Kuvendit derisa në foltore para mediave po flisnin deputetë të PDK’së që po kërkonin thirrjen e seancës konstituive.
Ai tha se aty u shkoi me disa kolegë të Vetëvendosjes për ditët e diasporës.
Derisa po qëndronte i ulur te vendi i tij, Qorolli përsëriti qëndrimin e Vetëvendosjes për të mos thirrur seancë, ndërsa hodhi akuza për partitë tjera për veprimet e tyre të sotme në Kuvend.
“Është çështje e shprehive të tyre politike për t’i kundërshtuar të gjitha institucionet, i takon me Kushtetutë dhe me rregulloren e Kuvendit vetëm zotit Dehari, në cilësinë e Kryesuesit si deputeti më i vjetër për ta thirrë dhe ne jemi të gatshëm të vijmë çdoherë kur ai ta vlerësojë të nevojshme dhe ne si Lëvizja Vetëvbendosje e kemi bërë të qartë se seanca do të thirret vetëm në momentin kur do të ketë marrëveshje politike. Thirrja e seancës pa marrëveshje nënkupton që Kosova shkon atuomatikisht në zgjedhje”.
Më pas edhe Qorolli pretendoi se vetë aktgjykimet e Kushtetueses kërkojnë marrëveshje politike.
“Margjinat kushtetuese tregojnë që në këtë rast duhet me pasë një marrëveshje politike”.
