Trajneri i Barcelonës, Hansi Flick, ka pranuar se skuadra do ta ndiejë mungesën e Marcus Rashfordit, pasi klubi vendosi të mos e bëjë të përhershëm transferimin e sulmuesit anglez nga Manchester United.
Pas ndeshjes miqësore parasezonale ndaj Birmingham Cityt, Flick vlerësoi lart kontributin e Rashfordit, edhe pse Barcelona zgjodhi të mos aktivizojë opsionin e blerjes, i cili kapte vlerën e rreth 30 milionë eurove.
Në vend të Rashfordit, klubi katalanas investoi rreth 70 milionë euro për transferimin e Anthony Gordon nga Newcastle United.
“Marcus është një lojtar fantastik dhe një person i mrekullueshëm. Ekipi do ta ndiejë mungesën e tij, ashtu si edhe unë”, deklaroi Flick pas ndeshjes.
Gjatë periudhës së tij te Barcelona, Rashford zhvilloi 49 ndeshje në të gjitha garat, duke shënuar 14 gola dhe duke regjistruar 11 asistime, përpara se të rikthehej te Manchester United pas përfundimit të huazimit.
Pas largimit nga klubi katalanas, sulmuesi 28-vjeçar publikoi një mesazh lamtumire në rrjetet sociale, ku falënderoi Barcelonën dhe tifozët për mbështetjen që mori gjatë kohës së kaluar në “Camp Nou”.
