Presidenti turk, Recep Tayyip Erdogan, u dhuroi udhëheqësve në samitin e NATO-s në Ankara një dhuratë të pazakontë – pistoleta dhe një kuti me municione luftarake.
Një zëdhënës i qeverisë gjermane i tha DPA-së të mërkurën se revolveri i Merz-it i ishte dorëzuar ambasadës gjermane për t’iu nënshtruar procedurës ligjore të importit dhe më pas ishte përfshirë në mbledhjen e dhuratave zyrtare.
Kryeministri britanik Keir Starmer u tha më herët gazetarëve në fluturimin për në shtëpi se Erdogan u kishte dhënë të gjithë udhëheqësve në samit të njëjtën dhuratë, me secilën armë të gdhendur me emrin e marrësit, raportuan The Guardian dhe Association Press.
Sipas këtyre raportimeve, Starmer e la revolen e tij në Turqi për t’u çaktivizuar, megjithëse Erdogan bashkëngjiti një dokument që hiqte dorë nga kufizimet e eksportit. Importimi i armës në Mbretërinë e Bashkuar, në fakt, do të shkelte ligjet strikte të armëve të zjarrit të Mbretërisë së Bashkuar.
Zyra e Presidentit turk nuk i është përgjigjur ende një pyetjeje nga agjencia DPA në lidhje me dhurimin e armëve.
