Anëtari i Kryesisë së Lidhjes Demokratike e Kosovës, Visar Azemi tha se LDK-ja e dënon “fuqishëm” një lajm të rremë për vdekjen e ish-kryeministrit Avdullah Hoti.
Azemi tha se ky lajm i rremë e ka shqetësuar jo vetëm familjen dhe bashkëpunëtorët e Hotit.
“Lidhja Demokratike e Kosovës e dënon fuqishëm këtë lajm të rremë që është dashakeq dhe e ka shqetësuar gjithë opinionin publik të Republikës së Kosovës, e ka shqetësuar familjen e zotit Hoti, ka shqetësuar bashkëpunëtorët e zotit Hoti në Lidhjen Demokratike të Kosovës. Prandaj e dënojmë këtë akt, duke pasur parasysh se zoti Hoti është figurë kyçe në LDK, figurë nacionale si një ish-kryeministër”, tha ai për rtv21.
Azemi tha se “uk duhet të bëjmë kësi gafa dhe të atakojmë figura dhe personalitete të tilla si zoti Hoti”.
Ai kërkoi që organet e drejtësisë “ta hetojnë këtë rast dhe t’i gjejnë ata të cilët e kanë bërë këtë dezinformatë dhe të vihen para drejtësisë”.
