Nga: Idriz Sopjani
Në një realitet kur sektori i shëndetësisë po përballet me ndryshime të shpejta, me kërkesa gjithnjë e më të larta profesionale dhe me nevojë të vazhdueshme për kuadro të përgatitura, zgjedhja e institucionit ku ndërtohet formimi universitar nuk është më vetëm një vendim akademik.
Ajo është një zgjedhje që përcakton drejtimin profesional, standardin e përgatitjes dhe mundësinë reale për integrim të suksesshëm në tregun e punës.
Në këtë kontekst, Fakulteti i Shkencave Shëndetësore në Kolegjin AAB përfaqëson një nga njësitë akademike më të rëndësishme për formimin e profesionistëve të rinj në fushën e kujdesit shëndetësor në Kosovë.
Me programe studimi të ndërtuara mbi standarde bashkëkohore dhe në
përputhje me direktivat evropiane, me orientim të qartë drejt praktikës profesionale dhe me vizion të hapur ndaj zhvillimeve ndërkombëtare, ky fakultet është shndërruar në një hapësirë ku ndërthuren serioziteti akademik, përgjegjësia profesionale dhe perspektiva konkrete për karrierë.
Kjo përputhje me standardet evropiane nuk është vetëm koncept teorik. Ajo reflektohet drejtpërdrejt në njohjen e shpejtë të diplomave të studentëve tanë në shumë shtete të Evropës dhe në faktin se një numër i madh i tyre janë tashmë të punësuar prej vitesh, ndërsa shumë prej tyre kanë avancuar deri në pozita udhëheqëse në institucionet ku veprojnë.
Sot, Fakulteti i Shkencave Shëndetësore ofron katër programe të rëndësishme studimi: BSc Infermieri e Përgjithshme, BA Teknik i Radiologjisë, BSc Estetikë dhe Kozmetologji dhe MSc Menaxhment Shëndetësor.
Infermieri e Përgjithshme: një profesion me mision, dije dhe të ardhme
Programi i Infermierisë mbetet një nga shtyllat kryesore të fakultetit, sidomos në një kohë kur mungesa e punëtorëve shëndetësorë është bërë një nga sfidat më të mëdha globale.
Pikërisht kjo e bën këtë profesion jo vetëm të kërkuar, por edhe një nga më të sigurtit për të ardhmen. Studentët përgatiten në mënyrë të integruar, me teori, praktikë dhe simulime klinike, duke qenë të gatshëm për tregun e punës menjëherë pas diplomimit.
Teknik i Radiologjisë: profesion i teknologjisë dhe precizitetit
Në një sistem shëndetësor që po investon gjithnjë e më shumë në infrastrukturë dhe pajisje moderne, radiologjia zë një rol kyç. Studentët aftësohen për përdorimin profesional të teknologjisë më bashkëkohore, duke u përgatitur për një profesion konkret dhe shumë të kërkuar
në praktikë.
Estetikë dhe Kozmetologji: një mundësi reale për sukses dhe pavarësi.
Ky program përfaqëson një hap të ri në arsimin universitar në Kosovë, duke u fokusuar në një treg në rritje të vazhdueshme. Ai u jep studentëve jo vetëm kompetenca profesionale, por edhe mundësi reale për të ndërtuar biznese të pavarura në fushën e estetikës, kujdesit ndaj lëkurës dhe
trajtimeve të bukurisë.
MSc Menaxhment Shëndetësor: për ata që duan të udhëheqin
Sistemi shëndetësor ka nevojë jo vetëm për profesionistë të mirë klinikë, por edhe për menaxherë që dinë të udhëheqin, planifikojnë dhe menaxhojnë resurset njerëzore dhe financiare.
Ky program përgatit pikërisht këtë profil, duke krijuar liderët e së nesërmes në shëndetësi. Duke filluar nga viti i ri akademik 2026/27 startojmë me dy programe të reja bachelor: BSc Teknik Laboratori dhe BSc Logopedi. Këto programe janë ndërtuar në përputhje me nevojat aktuale të sistemit shëndetësor dhe kërkesat në rritje të tregut të punës, si në Kosovë ashtu edhe në vendet evropiane.
Programi BSc Teknik Laboratori do të përgatisë profesionistë të aftë për diagnostikën laboratorike, analizat biokimike, mikrobiologjike dhe hematologjike, duke luajtur një rol thelbësor në procesin e diagnostikimit dhe monitorimit të pacientëve.
Ndërkohë, programi BSc Logopedi do të fokusohet në përgatitjen e specialistëve për vlerësimin, diagnostikimin dhe trajtimin e çrregullimeve të komunikimit, të folurit, gjuhës dhe gëlltitjes, duke kontribuar në përmirësimin e cilësisë së jetës së fëmijëve dhe të rriturve që kanë nevojë për këto shërbime.
Me hapjen e këtyre dy programeve të reja, Fakulteti i Shkencave Shëndetësore në Kolegjin AAB po kompleton mozaikun e profesioneve teknike dhe klinike shëndetësore, duke krijuar një gamë të plotë profilesh që i përgjigjen nevojave të sistemit modern shëndetësor dhe kërkesave të tregut vendor e ndërkombëtar të punës.
Mësim praktik dhe përgatitje reale për profesionin Fakulteti tashmë ka krijuar të gjitha kapacitetet për një përgatitje dinjitoze të studentëve, përmes laboratorëve funksionalë, pajisjeve moderne dhe metodave të avancuara të mësimdhënies.
Për më tepër, në bashkëpunim me Fakultetin e Gjuhëve të Huaja, është ndërtuar programi i karrierës dhe punësimit, ku studentët kanë mundësi të mësojnë gjuhën gjermane dhe angleze gjatë gjithë periudhës së studimeve, duke rritur ndjeshëm mundësitë e tyre për punësim ndërkombëtar.
Perspektivë profesionale e sigurt Në një kohë kur tregu i punës kërkon gjithnjë e më shumë profesionistë shëndetësorë, studimet në këtë fakultet përkthehen drejtpërdrejt në mundësi konkrete punësimi. Çdo student që
përfundon studimet këtu ka një perspektivë reale për një të ardhme të sigurt profesionale, si në Kosovë ashtu edhe jashtë saj.
Një fakultet që formon profesionistë dhe ndërton të ardhmen Fakulteti i Shkencave Shëndetësore në Kolegjin AAB nuk synon vetëm diplomimin, por formimin e plotë të profesionistëve me dije, etikë dhe kompetencë. Në një sektor ku përgjegjësia është e drejtpërdrejtë ndaj jetës së njeriut, kjo qasje është ajo që bën dallimin.
Zgjedh drejt – zgjedh Fakultetin e Shkencave Shëndetësore në Kolegjin AAB.
Zgjedh një profesion me të ardhme.
Zgjedh siguri. Zgjedh AAB.
E ardhmja jote fillon këtu.
