Sulmuesi kosovar, Albion Rrahmani, ka vazhduar formën e mirë me fanellën e Spartës së Pragës duke realizuar edhe një tjetër gol në elitën e futbollit çek.
Ylli i Kosovës shënoi vetëm tre minuta pas fillimit të pjesës së dytë, duke ia rikthyer epërsinë skuadrës vendase.
Pas një asistimi të Zelenyt, Rrahmani reagoi saktë brenda zonës dhe me një goditje precize mposhti portierin kundërshtar.
Ky ishte goli i 11-të i sezonit për Rrahmanin në kampionatin çek, ndërsa sulmuesi ka kontribuar gjithashtu edhe me tri asistime.
