Ministrja e Mjedisit, Fitore Pacolli, bashkë me Kryeministrin e Kosovës, Albin Kurti, janë duke prezantuar pakon e re për largimin e deponive ilegale të mbeturinave në gjithë vendin.
Në këtë prezantim do të shpalosen masat konkrete dhe veprimet institucionale për mbrojtjen e mjedisit, pastrimin e hapësirave publike dhe adresimin e ndotjes nga deponitë ilegale.
Sipas Pacollit, janë ndarë 1 milion euro për këtë pako, e cila është më e madhja për largimin e deponive dhe mbulon hapësirat jashtë kufijve të vendbanimeve.
“Janë nënshkruar 4 marrëveshje me kompanitë rajonale në Kosovë. Ne po synojmë largimin e rreth 500 deponive të mbeturinave në mbarë Kosovën. Nuk do të ketë tolerance për dëmtuesit e natyrës. Çdo ndotës do të përballet me forcën e ligjit” deklaroi ajo.
Kurti deklaroi se qëllim i këtij aksioni janë dy pika të rëndësishme.
“E para, të intervenojë ne vendet ku hedhja e mbeturinave rrezikon ambientin dhe shëndetin. Po ashtu, kërkon të shtrojë një rrugë të re, ku qeveria nuk rrin duarkryq por është prijëse e organizimit…” deklaroi Kurti.
