Ylli shqiptar, Xherdan Shaqiri, ka shënuar një gol spektakolar për Baselin në përballjen kundër Young Boys.
Në stilin e portugezit Ricardo Quaresma, me të “jashtmen”, Shaqiri e la të shtangur portierin e mysafirëve. Me një goditje të fuqishme, lojtari nga Gjilani dërgoi topin në kënd të portës, duke i rikthyer epërsinë Baselit.
Megjithatë, ndeshja përfundoi baras 3:3, me rikthime të rezultatit nga të dyja skuadrat, duke e bërë këtë një takim shumë emocionues dhe të pa parashikueshëm.
Pas këtij takimi, Baseli ka 53 pikë dhe ndodhet në pozitën e katërt në Superligën Zvicerane, ndërsa Young Boys Bern ka 47 pikë.
