Komuna e Prishtinës ka njoftuar se sot do të ndërmarrë një aksion për heqjen e tabelës së ekspozitës “Masakrat në Kosovë 1998–1999” nga sheshi “Nënë Tereza”, për shkak të gabimeve dhe pasaktësive të evidentuara në përmbajtjen e saj.
Aksioni do të fillojë nga ora 10:00.
“Ju njoftojmë se sot, me datë 28.03.2026, duke filluar nga ora 10:00, ekipet e Kryeqytetit do të ndërmarrin aksionin për heqjen e tabelës së ekspozitës ‘Masakrat në Kosovë 1998–1999’ në sheshin ‘Nënë Tereza’. Ky veprim vjen pas vendimit të Kryetarit të Kryeqytetit z. Përparim Rama, për pezullimin e lejes së ekspozimit, për shkak të pasaktësive të evidentuara në përmbajtjen e ekspozitës”, thuhet në njoftim.
