Transporti ajror në Kosovë e ka nisur vitin 2026 me një rritje të dukshme si në numrin e fluturimeve ashtu edhe në atë të udhëtarëve, sipas të dhënave të Agjencisë së Statistikave të Kosovës.
Gjatë muajit janar 2026 janë realizuar gjithsej 1,158 fluturime, duke shënuar një rritje prej 1.8% krahasuar me të njëjtin muaj të vitit të kaluar.
Në të njëjtën periudhë, numri total i udhëtarëve arriti në 358,930, që përfaqëson një rritje prej 4.5% në krahasim me janarin e vitit 2025.
Nga ky total, 156,945 udhëtarë ishin në ardhje, me një rritje prej 1.4% krahasuar me të njëjtën periudhë të vitit paraprak. Ndërsa numri i udhëtarëve në shkuarje arriti në 201,985, duke shënuar një rritje më të theksuar prej 7.0%.
