Pritjet për trajtim në repartin e onkologjisë në Qendrën Klinike Universitare të Kosovës po shtohen dukshëm.
Sipas Shoqatës së Onkologëve të Kosovës, numri i pacientëve me sëmundje malinje vazhdon të rritet, ndërsa mungesa e kapaciteteve dhe specialistëve po krijon vonesa në kimioterapi dhe radioterapi.
Gazetari i Shëndetësisë, Bujar Vitia thekson nevojën e decentralizimit të shërbimeve.
“Këto shërbime nuk duhet të ofrohen vetëm në QKUK, por edhe në spitalet rajonale. Duhet të ketë një decentralizim tashmë, me specialistë të rinj, mund të krijohen kapacitete në këto spitale që t’u lehtësojnë jetën pacientëve”, tha Vitija.
Televizioni ka dërguar pyetje edhe tek Ministria e Shëndetësisë nëse kanë ndonjë plan për shtimin e specialistëve në ketë repart, por deri në transmetimin e kësaj kronike nuk kanë kthyer përgjigje.
