Arabia Saudite ka interceptuar gjashtë dronë që po shkonin drejt një fushe nafte dhe një raketë balistike që ishte nisur drejt një baze ajrore, ka bërë të ditur zëdhënësi i Ministrisë së Mbrojtjes së vendit në platformën X.
Dronët u interceptuan në “Empty Quarter”, një shkretëtirë e madhe në jug të vendit. Ajo është shtëpi e rezervave të pasura të naftës, përfshirë fushën e naftës Shaybah, e cila sipas Ministrisë së Mbrojtjes ishte objektivi i sulmit, raporton BBC, transmeton Sinjali.
Sipas kompanisë saudite të naftës Aramco, ky vend prodhon rreth një milion fuçi naftë në ditë.
Ndërkohë, raketa balistike ishte nisur drejt bazës ajrore Prince Sultan. Në muajin shkurt, kjo bazë u përdor nga një avion i Forcave Ajrore të SHBA-së si pjesë e përforcimit të pranisë amerikane në Lindjen e Mesme.
