Pesëmbëdhjetë persona janë arrestuar të martën e më pas janë liruar në procedurë të rregullt në Novobërdë për falsifikim të rezultateve të votimit.
Sipas raportit 24-orësh të Policisë, bëhet fjalë për zgjedhjet e 28 dhjetorit.
“Me 25.02.2026 janë arrestuar 15 të dyshuar, nën dyshimin se të njëjtit me datën e cekur kanë falsifikuar rezultatet e votimit. Me vendim të prokurorit, të dyshuarit pas intervistimit janë liruar në procedurë të rregullt”, thuhet në njoftim.
Në disa qytete në Kosovë kanë nisur hetimet për manipulim me vota pas shfaqjes së dallimeve në vota të kandidatëve për deputetë. Në disa qytete po ashtu ka pasur edhe të arrestuar.
