Fëmijët mesatarisht flenë nga shtatë deri në tetë orë gjumë çdo natë, por sipas institucioneve shëndetësore kjo sasi nuk është e mjaftueshme për zhvillimin e shëndetshëm të tyre.
Studime të ndryshme tregojnë se prindërit shpesh nuk janë të informuar për nevojat reale të gjumit të fëmijëve, gjë që ndikon negativisht në përqendrimin, funksionet njohëse dhe rezultatet akademike të tyre.
Sipas Klinikës Shëndetësore të Cleveland, sasia e gjumit që i nevojitet një fëmije ndryshon varësisht nga mosha. Mungesa e gjumit të mjaftueshëm mund të ndikojë drejtpërdrejt në zhvillimin njohës dhe emocional të fëmijëve.
Për fëmijët e moshës 5 deri në 12 vjeç, rekomandohet që ata të flenë nga 9 deri në 12 orë çdo natë. Megjithatë, në praktikë, shumica e tyre flenë më pak se kjo normë e rekomanduar.
Sipas grupmoshave janë:
I porsalindur (0–3 muaj): 14–17 orë
Foshnja (4–11 muaj): 12–15 orë
Fëmijë të vegjël (1–2 vjeç): 11–14 orë
Parashkollorë (3–5 vjeç): 10–13 orë
Mosha shkollore (6–13 vjeç): 9–11 orë
Këto orë përfshijnë edhe pushimet gjatë ditës dhe kërkojnë një orar të rregullt dhe më të hershëm të gjumit.
Sipas Qendrës për Kontrollin dhe Parandalimin e Sëmundjeve (CDC), mungesa e gjumit lidhet me probleme serioze shëndetësore, përfshirë obezitetin, diabetin, shëndetin e dobët mendor, si dhe vështirësi në vëmendje dhe sjellje.
Ekspertët u bëjnë thirrje prindërve që t’i kushtojnë më shumë rëndësi rutinës së gjumit të fëmijëve për të siguruar zhvillim të shëndetshëm fizik dhe mendor.
