Pavarësisht frikës së përhapur se Inteligjenca Artificiale (Al) mund të zëvendësojë vendet e punës, një studim nga Anthropic sugjeron se teknologjia aktualisht po i ndihmon punëtorët.
Pavarësisht shqetësimeve për punën, hulumtimi është më kompleks pasi u zbulua se Al i riformëson vendet e punës ndryshe, varësisht nga roli.
Në vend që të përqendrohej vetëm te sa shpesh përdoret Al, raporti shqyrtoi më nga afër se çfarë lloj detyrash i jepen asaj dhe nëse ka sukses,
Studimi zbuloi se 49% e vendeve të punës tani mund të përdorin Al në të paktën një të katërtën e detyrave të përfshira, që është një rritje prej 13% nga fillimi i vitit 2025.
Por, jo të gjitha punët në zyrë preken në të njëjtën mënyrë nga Al, sipas raportit.
Raporti thekson ndryshimet gjeografike. Vendet me të ardhura më të larta kanë tendencë ta përdorin Al më shpesh për punë dhe detyra personale. Vendet me të ardhura më të ulëta tregojnë një përqindje më të lartë të përdorimit në arsim.
Ndryshe, ky është botimi i katërt i indeksit ekonomik të Anthropic, i cili gjurmon se si Al po integrohet në punë dhe efektet e saj të mundshme.
Autorët e raportit argumentojnë se të kuptuarit se si përdoret Al është po aq e rëndësishme sa matja e përhapjes së saj.
