Janë zhvilluar ndeshjet e ditës së shtunë në kuadër të xhiros së 18-të në Albi Mall Superligën e Kosovës në futboll.
Prishtina i është rikthyer fitoreve në ligë,duke mundur skuadrën e Drenicës me rezultat 2:1.
Ramiz Bytyqi dhe Mario Ilievski shënuan për kryeqytetasit,teksa për skuadrën nga Skënderaj shënoi Ronaldo Chacon.
Njëherësh kjo ishte fitorja e parë për trajnerin Afrim Toverlani nën drejtimin e Prishtinës këtë sezon në Superligë,duke grumbulluar kështu 30 pikë teksa ka një ndeshje më pak të zhvilluar kurse Drenica ka vetëm 20 pikë.
Në anën tjetër Llapi pësoi humbje në udhëtim ndaj Ferizajt me rezultat 2:1.
Betim Haxhimusa ishte heroi i Ferizajt i cili realizoi të dyja golat,kurse për Llapin golin e vetëm e shënoi Muhamet Hyseni.
Llapi pas kësaj humbjeje mbetet në kuotën e 21 pikëve,teksa Ferizaj ka 19 pikë pas kësaj fitorjeje.
