Ministri i Jashtëm i Libanit, Youssef Rajji, ka thënë se vendi i tij ka marrë paralajmërime nga palë arabe dhe ndërkombëtare se Izraeli është duke u përgatitur që të nisë një operacion të shkallës së lartë kundër Hezbollahut në Liban.
Rajji tha se Qeveria e Libanit është në vlugun e angazhimeve intensive diplomatike për të parandaluar një operacion të tillë dhe për t’u siguruar që në shënjestër të tij nuk do të jenë personeli dhe objektet e saj, shkruan gazeta “The Times of Israel”.
Kryediplomati libanez tha më tej se kabineti qeveritar ende është duke u përpjekur që të negociojë me Hezbollahun, me shpresën se do ta bindë grupin për t’i dorëzuar armët me vetëdëshirë, duke argumentuar se ato janë dëshmuar joefikase “për mbështetjen e Gazës dhe mbrojtjen e vendit” gjatë dy viteve të fundit.
