Barcelona ka bërë prioritet gjetjen e një qendërsulmuesi për të zëvendësuar Robert Lewandowskin i cili është 37 vjeç, nëse polaku largohet në fund të kontratës.
Përveç emrit të preferuar Julián Álvarez, klubi po shqyrton edhe alternativa më të lira. Një prej tyre është Fisnik Asllani, 23-vjeçar nga Hoffenheim, i cili ka rritur interesin e Barcelonës.
Sipas “Sky Sport”, lojtari ka një klauzolë lirimi prej 25–29 milionë eurosh, që mund të aktivizohet në verë. Shifra mund të ndryshojë sipas pozitës së klubit në ligë ose pjesëmarrjes në gara europiane.
Asllani ka tërhequr vëmendjen edhe të Bayern Munich dhe Borussia Dortmund, ndërsa një kalim në Premier League shihet më pak i mundshëm. Ai vetë deklaroi në tetor: “Ëndrra ime më e madhe ka qenë gjithmonë të luaj për Barcelonën”.
Me kontratë deri më 2029, Asllani ka shënuar 6 gola dhe ka dhënë 3 asistime në 14 ndeshje këtë sezon në Gjermani. Ekspertët besojnë se marsi mund të jetë vendimtar për të ardhmen e tij. /ATVLIVE.TV
