Lista Serbe ka reaguar me rastin e mos verifikimit të saj nga ana e KQZ-së për zgjedhjet e 28 dhjetorit. Ajo tani ka të drejtë ankese, ashtu siç ka bërë edhe në ciklet e mëparshme zgjedhore – si në zgjedhjet e fundit lokale, ashtu edhe në zgjedhjet për Kuvendin e Kosovës më 9 shkurt të këtij viti.
Ata kanë paralajmëruar se sot në orën 15:00, në hapësirat e partisë së tyre, do të mbajnë një konferencë të jashtëzakonshme për media, në të cilën, siç kanë thënë, do të flasin “për vendimin joligjor për t’ua penguar pjesëmarrjen në zgjedhjet e jashtëzakonshme parlamentare më 28 dhjetor”.
