Deputeti i AAK-së, Daut Haradinaj, ka bërë të ditur se bashkëluftëtari i tij, Blerim Bajramaj-Leci, do të kandidojë në zgjedhjet e ardhshme nacionale.
Haradinaj kujtoi kontributin e Bajramajt gjatë luftës në Kosovë, ku u plagos rëndë por vazhdoi të qëndronte në vijën e frontit për 18 muaj në Brigadën 131 “Jusuf Gërvalla”.
Ai theksoi se Bajramaj mori pjesë edhe në luftimet në Luginën e Preshevës dhe në Maqedoni, ku u dallua për mbrojtjen e popullatës shqiptare. Pas përfundimit të luftërave, Bajramaj ka shërbyer për 25 vite në mbështetje të Ramush Haradinajt.
Haradinaj tha se Blerim Bajramaj hyn në këtë garë politike me përvojë dhe besim se do të ndihmojë në forcimin e faktorit shqiptar në rrugën euroatlantike.
