Uthulla është një pastrues i njohur shtëpiak. Shumë njerëz e përdorin atë për të hequr gëlqeren, yndyrën dhe papastërtinë në sipërfaqe të ndryshme.
Megjithatë, ka sipërfaqe dhe objekte në të cilat përdorimi i uthullës mund të shkaktojë dëme.
Ja sipërfaqet dhe objektet që nuk duhet t’i pastroni kurrë me uthull.
“Kjo pallto pasqyron aftësinë unike të Jacqueline Kennedy Onassis për të shprehur optimizëm dhe modernitet vetëm përmes stilit. Dalja e saj në ankand për herë të parë paraqet një mundësi të rrallë për koleksionistët.”. Ekspozita do të jetë e hapur për publikun në ambientet e Sotheby’s në New York nga 5 deri më 8 dhjetor.
Sipërfaqe prej guri
Uthulla mund të dëmtojë gurin natyror si graniti ose mermeri, të heqë shkëlqimin dhe të shkatërrojë shtresën mbrojtëse. Për pastrim, përdorni sapun të butë dhe ujë ose agjentë me pH neutral.
Makinën për larjen e enëve
Edhe pse uthulla përdoret për të hequr gëlqeren, ajo mund të dëmtojë guarnicionet dhe nyjet e gomës. Është më mirë të përdorni sodë buke ose produkte të rekomanduara nga prodhuesi.
Lavatriçen
Përdorimi i rregullt i uthullës mund të dëmtojë guarnicionet prej gome të pajisjes. Përdorni një cikël larjeje bosh me sodë buke dhe ujë të nxehtë një herë në muaj.
Pajisjet me çelik inox
Përdorimi i shpeshtë i uthullës mund të heqë shtresën mbrojtëse dhe të shkaktojë njolla ose ndryshk. Pastrojeni me ujë të ngrohtë, detergjent të butë dhe një leckë të butë.
Dyshemet dhe mobiljet prej druri
Uthulla mund të heqë shtresën mbrojtëse, ta thajë drurin dhe t’i bëjë dyshemetë ngjitëse dhe të pa shkëlqim. Përdorni një produkt të destinuar për dru dhe një leckë të shtrydhur mirë.
Kolltuqet dhe sediljet prej lëkure
Uthulla largon vajrat natyralë nga lëkura, të cilat mund të çojnë në tharje dhe çarje. Përdorni produkte të specializuara për pastrimin dhe kujdesin e lëkurës.
