Presidenti francez, Emmanuel Macron paralajmëron se nuk mund të ketë një kufi për ushtrinë e Ukrainës.
Kjo vjen pasi disa propozime për paqe ditët e fundit sugjeruan vendosjen e kufijve për numrin e personelit të forcave të armatosura të Ukrainës.
Zelensky zbulon katër pikat kyçe për të arritur paqen me Rusinë
Në komentet e tij pas takimit virtual të sotëm të ashtuquajturës “koalicion i gatshëm”, Macron shton se vendet e BE-së shpresojnë të finalizojnë një zgjidhje për financimin e mbrojtjes së Ukrainës.
Në deklaratën e tij, ai përmend pasuritë e ngrira ruse në Evropë – një çështje që më parë ka qenë kontestuese për bllokun, raporton skynews.
Muajin e kaluar, BE-ja miratoi paketën më të fundit të sanksioneve, por nuk arriti të bënte marrëveshje mbi përdorimin e këtyre pasurive të ngrira për të financuar një hua për Ukrainën.
Kjo ndodhi sepse disa vende ngritën shqetësime ligjore për pasojat e mundshme të këtij veprimi.
Në fjalimin e tij, Macron thotë gjithashtu se Ukraina ka nevojë për një paqe që të jetë “serioze” dhe “respektuese ndaj së drejtës ndërkombëtare”.
Starmer: Zelensky mendon se shumica e tekstit të planit të paqes mund të pranohet
Megjithatë, pavarësisht kundërshtimit të tij ndaj kufizimit të ushtrisë së Ukrainës, në kundër-propozimet e Evropës ndaj një marrëveshjeje paqeje SHBA-Rusi, aleatët e Kievit ranë dakord për një kufi në kohë paqeje për ushtrinë ukrainase prej 800 mijë personash.
Plani SHBA-Rusi propozon një kufi prej 600 mijë pjesëtarësh.
