Dy persona të maskuar me armë zjarri kanë tentuar të kryejnë grabitje të armatosur ndaj automjetit për bartje të parave në lagjen “Bregu i Diellit”, në Prishtinë, mirëpo nuk kishin arritur.
Sipas raportit 24 orësh të Policisë së Kosovës bëhet e ditur se në vendin e ngjarjes është sekuestruar një predhë e armës së zjarrit.
“Rr. Xheladin Hana, Prishtinë 24.11.2025 – 13:58. Raportohet se dy persona të maskuar me armë zjarri kanë tentuar të kryejnë grabitje të armatosur ndaj automjetit për bartje të parave, mirëpo nuk kishin arritur. Në vendin e ngjarjes është sekuestruar një predhë e armës së zjarrit. Lidhur me rastin është njoftuar prokurori. Rasti është duke u hetuar”, thuhet në raport.
