Armando Broja u detyrua të linte fushën e lojës i dëmtuar gjatë ndeshjes ndaj Anglisë, ku duket se pësoi një dëmtim të rëndë.
Megjithatë, situata duket më pak e shqetësuese nga sa u mendua në fillim. Sipas raporteve nga mediat angleze, Broja është rikthyer te Burnley mëngjesin e djeshëm.
Sulmuesi shqiptar ka kaluar një kontroll mjekësor me specialistët e klubit dhe tani është planifikuar një seri ekzaminimesh të tjera, për të vlerësuar më thellë dëmtimin.
Sipas informacionit të fundit, bëhet fjalë për një ndrydhje të gradës së parë dhe pritet që mungesa e tij në fushë të jetë vetëm për disa ditë. Pasi të rikuperohet, ai do të kthehet në skuadër për të luftuar për minuta në ekipin e Burnley. /ATVLIVE.TV
