Këngëtarja Billie Eilish ka nxjerrë akuza të forta ndaj miliarderit Elon Musk, duke e quajtur “i mjerë si mushkë, frikacak” në një seri story-sh në Instagram, pas postimit të grafikave që tregojnë çfarë ai mund të bënte me pasurinë e tij, duke filluar nga zhdukja e urisë në botë, te shpëtimi i specieve në zhdukje dhe rindërtimi i zonave të shkatërruara nga lufta.
Billie argumenton se Musk, që është në rrugë për t’u bërë trilioner, e ende zgjedh ta “grumbullojë” pasurinë e tij në vend që ta përdorë për të ndihmuar njerëzit në nevojë.
Kjo kritikë vjen pak javë pas fjalimit të Eilish në “WSJ Magazine Innovator Awards”, ku ajo i bëri thirrje miliarderëve: “Nëse jeni miliarderë, pse jeni miliarderë? Jepni paratë tuaja te të tjerët, te ata në nevojë.”
