Specialisti i Mjekësisë Familjare, Rushit Ismaili, ka bërë të ditur se në Prishtinë është vërejtur një rritje e lehtë e rasteve me viroza, me simptoma të lehta si kollitje, rrjedhje hundësh, temperaturë dhe dhimbje muskujsh.
Në një intervistë, Ismaili rekomandon që pacientët të qëndrojnë në shtëpi për të paktën tre ditë, të konsumojnë lëngje, çaj e supë, dhe të përdorin paracetamol në rast temperature.
“Gjithmonë ka pasur raste që shoqëroret me shenja të sëmundjeve dhe rrugëve të respiratorëve të sipërme që ka kollitje temperaturë, shuarje hundësh mënyra më e mirë të parandalohet është vaksinat kundër gripit, së paku njerëzit të mos pësojnë nga virusi i influencës. Mirëpo ka pasur gjithmonë është bërë një rritje e lehtë e personave që kërkojnë ndihmë mjekësore për shkak të infeksionit me virozë. Mirëpo ka pasur gjithmonë është bërë një rritje e lehtë e personave që kërkojnë ndihmë mjekësore për shkak të infeksionit me virozë. Zakonisht njerëzit ankohen se kanë kollitje, shkuarje hundësh, temperature, dhimbje të muskujve edhe zakonisht janë simptoma të lehta të cilat menaxhohen shumë lehtë nëse qëndron në shtëpi pijë sasi të mjaftueshme të lëngjeve dhe me raste paracetamol kalojnë lehte shumë raste te rralla ka raste te komplikuara”, deklaruar Ismaili.
Ai u bën thirrje qytetarëve që të vaksinohen kundër gripit sa më parë, për të parandaluar komplikimet e mundshme, ku tregoi edhe se vaksina është në dispozicion në Qendrën e Mjekësisë Familjare dhe në të gjitha qendrat e tjera të ngjashme.
“Është më prezentë në këtë kohë prandaj jepen vaksina e gripit që tani, në mënyrë që të parandalohet shfaqja e simptomave të rënda në ditët në vijim. Bëjë një thirrje që ata që nuk e kanë marrë vaksinën ta marrin sa me shpejte që është e mundur. Ne jemi përpjekur që të tregojmë për vaksinën dhe për dobitë e marrjes së vaksinës dhe kemi prodhuar fletushka për këtë dhe i themi çdo pacienti që bashkë me të tjera ta marr edhe këtë vaksinë Qendra e Mjekësisë Familjare ofron këtë vaksinë dhe të gjitha qendrat e tjera të mjekësisë familje”, ka theksuar doktori.
Po ashtu, ai apelon për kujdes të shtuar me higjienën personale, përdorimin e maskave, shmangien e kontakteve të panevojshme dhe një ushqim të shëndetshëm, në mënyrë që të parandalohet përhapja e infeksioneve virale.
“Mënyra më e mire është te qëndrohet në shtëpi së paku tre ditë nuk ka nevojë të kërkohet ndihmë mjekësore vetëm në rastet shumë të rënda dhe të komplikuara. Rrini në shtëpi pini sasi të mjaftueshme të lëngjeve, qaj, ujë dhe supë dhe në raste kur ke temperaturë me paracetamoll. Kjo zakonisht kalon lehtë edhe më së miri është që të mos dilet të mos e transmetojë viruset tek të tjerët, kolegët e tjerë ose të bëjnë vizita sepse kjo shpërndan virusin. Lajnë duart të përdorin maska, nëse teshtinë të përdorin faculeta të pastra dhe ushqim të balancuar larje te frutave dhe perime me ujë të rrjedhshëm këto janë mënyrat edhe për të parandaluar edhe për të qëndruar shëndetshëm dhe për te kaluar më lehtë një virozë”, shtoi ai.
