Kosova arriti të fitojë përsëri në ndeshjen kualifikuese ndaj Suedisë.
Goli i Fisnik Asllanit në minutën e 32-të rezultoi vendimtar për “Dardanët”, të cilët shënuan një fitore historike, duke e bërë ëndrrën për kualifikim në Kupën e Botës një mundësi reale.
Selektori i Suedisë, Jon Dahl Thomasson, kishte provuar një taktikë të pazakontë para ndeshjes. Ai kishte mbajtur të fshehtë formacionin titullar, duke ua bërë të ditur lojtarëve vetëm disa orë para ndeshjes – ndryshe nga zakonisht, kur ata njoftoheshin që në kohën e drekës.
Megjithatë, kjo strategji nuk dha rezultat, pasi Suedia tani është më pranë fundit të tabelës sesa vendeve të para që sigurojnë kualifikimin direkt ose vendin e dytë për play-off.
Megjithatë, Suedia ende ka një mundësi për të arritur në fazën play-off, falë paraqitjeve të mira në Ligën e Kombeve, ku përfundoi në vendin e parë në Ligën C, duke siguruar ngritjen në Ligën B. /ATVLIVE.TV
