PËRGATITI: ARIAN HAJDARAJ
Të shtunën e 19 prillit, deputetët mblidhen për të tretën herë me radhë për seancën konstituive.
Bazuar në deklarimet e liderëve partiakë, gjasat janë të mëdha që sërish të dështojë miratimi i raportit të komisionit për verifikimin e mandateve e seanca të mbyllet sërish pa ndonjë epilog.
Por, njohës të Kushtetutës, vlerësojnë se konstituimi nuk mund të zvarritet edhe për kohë të gjatë meqë një interpretim i nenit 66 parasheh konstituimin e kuvendit 30 ditë pas certifikimit të rezultateve zgjedhore në këtë rast më së largu më 27 prill. (grafikë neni 66)
“Pavarësisht që kjo dispozitë është e interpretueshme, të zgjedhurit e popullit bazuar në interpretimet e gjykatës kushtetuese, duhet të marrin veprime për konstituimin e kuvendit, në afat brenda 30 ditësh, në mënyrë që pastaj të kërkohet interpretim nga gjykata kushtetuese, se deri në sa ditë zvarritet nga ana e deputetëve”, tha avokati Ardian Bajraktari.
Por, sipas një ish-gjyqtari të Gjykatës Kushtetuese afate për këtë çështje nuk ka
“Neni 66 nuk parasheh afat se kur duhet të konstituohet kuvendi”, deklaroi Kadri Kryeziu, ish-gjyqtari të Gjykatës Kushtetuese.
Kadri Kryeziu, zgjidhjen e situatës e she vetëm në një marrëveshje politike.
“Shtyrja e seancave mund të vazhdojë derisa njëri subjekt politik të lëshojë pe’, në këtë rast më shumë i takon Vetëvendosjes si subjekt me shumicë në kuvend”, shtoi tutje Kryeziu.
Bazuar ose jo në nenin 66, nga Instituti i Kosovës për drejtësi, vlerësojnë se deputetët sa më shpejtë duhet ta kalojnë këtë situatë.
Të martën, raporti për verifikimin e mandateve, mori vetëm 52 vota për, ndërkaq të martën, kryesuesi i Kuvendit as nuk e vuri fare në votim, ndonëse në sallë ishin së paku 100 deputetë.
