Javën e kaluar, “No Filt” me Rrona Hoxhën, raportoi se reperi i njohur shqiptar, Fero, pritet të rikthehet në skenën muzikore pas përfundimit të muajit të shenjtë të Ramazanit. Ky lajm ka ngjallur interesim të madh te fansat dhe publiku i gjerë, pasi aii ka qëndruar larg muzikës për një periudhë të gjatë.
Së fundmi, përmes një videoje të shkurtër, Fero ka zbuluar një pjesë të një kënge të re, e cila pritet të publikohet së shpejti. Nga përmbajtja e saj, duket se reperi ia ka dedikuar këtë këngë ish-bashkëshortes së tij, Arbenita Ismajli, dhe vajzës së tyre. Ai shpreh dhimbjen për mungesën e vajzës, duke theksuar se nuk e ka parë për tetë muaj.
Përveç kësaj, në tekstin e këngës, Fero nuk kursen fjalët për Arbenitën dhe madje i drejton një mesazh edhe avokates së saj, Blinera Osmani, e cila është motra e Presidentes së Kosovës./ NO FILT/
