Demi Moore ka folur për lidhjen e saj të veçantë me ish-bashkëshortin Bruce Willis, duke dhënë një pasqyrë të rrallë mbi jetën e saj familjare mes sfidave shëndetësore që po kalon aktori.
Moore, 62 vjeç, theksoi se pavarësisht ndarjes nga Willis 25 vjet më parë, ata do të mbeten gjithmonë një familje, tani në një formë tjetër. Aktori 69-vjeçar është diagnostikuar me demencë frontotemporale pas një diagnoze të afazisë që i detyroi të tërhiqet nga aktrimi.
Moore viziton Willis çdo javë dhe mbështet gruan e tij, Emma Heming Willis, dhe dy vajzat e çiftit. Ajo ka theksuar se dëshiron të tregojë përmes marrëdhënies së saj me Willis se ka mundësi për të pasur një marrëdhënie të shëndetshme pas divorcit dhe se mund të rriten fëmijë me dashuri.
Në një intervistë të mëparshme për CNN, Moore shprehu rëndësinë e mbajtjes së lidhjeve të ngushta familjare, pavarësisht ndarjeve. Ajo gjithashtu dha një përditësim mbi gjendjen shëndetësore të Willis, duke theksuar se ai është në një gjendje të qëndrueshme për momentin./NO FILT/
