Anëtari i KQZ-së nga Lëvizja Vetëvendosje, Sami Kurteshi, në emisionin CONTEXT në ATV, kritikoi ashpër vendimet e KQZ-së, duke i quajtur ato interpretime të gabuara të Ligjit që kanë kufizuar të drejtën e votimit për mërgimtarët.
Kurteshi tha se disa nga vendimet e KQZ-së janë kundërshtuar deri në Gjykatën Kushtetuese.
“Unë i kam kundërshtu vendimet e KQZ-së, edhe KQZ-ja me kokëfortësi ka miratu, e i kam çu në PZAP, edhe PZAP-ja i ka kundërshtu, e i kam çu në Gjykatë Supreme, edhe Gjykata Supreme i ka refuzu, e i kam çu në Gjykatë Kushtetuese, edhe e kemi fitu rastin kundër vendimeve të KQZ-së, që njëmbëdhjetë vjet janë interpretu në mënyrë të gabueshme,” tha Kurteshi.
Ai kritikoi qasjen e KQZ-së ndaj aplikimeve për votim të mërgimtarëve, duke thënë se qëllimi ishte frikësimi i tyre për të mos votuar.
“Në vitin 2021, kjo KQZ ka vendos që të gjithë aplikuesve në mërgatë t’u telefonohet. Qëllimi nuk ishte me telefonu që me u siguru, por qëllimi ishte ‘hajde t’i frikësojmë’, e ata nuk regjistrohen. Megjithatë, u regjistruan 130 mijë,” deklaroi Kurteshi.
Intervistën e plotë të Sami Kurteshit në emisionin CONTEXT në ATV, e gjeni në videon më poshtë:
