Presidenti i Koresë së Jugut, Yoon Suk-yeol, ka shpallur ligjin ushtarak në një adresim të papritur televiziv, duke e cilësuar atë si një masë të domosdoshme për të mbrojtur vendin nga kërcënimet komuniste të Koresë së Veriut dhe për të eliminuar forcat anti-shtetërore, transmeton ATV.
Duke theksuar nevojën për të mbrojtur rendin kushtetues të vendit, ai akuzoi opozitën për simpati ndaj Koresë së Veriut dhe kontroll të parlamentit,
Kjo është hera e parë që nga viti 1980 që shpallet ligji ushtarak në Korenë e Jugut.
Nuk ka raportime për prani të ushtrisë në rrugët e Seulit apo qyteteve të tjera. Opozita e udhëhequr nga Lee Jae-myung e ka dënuar vendimin e presidentit, duke paralajmëruar pasoja të rënda dhe duke u bërë thirrje qytetarëve të mblidhen në Asamblenë Kombëtare.
Situata mbetet e tensionuar, me përplasje të ashpra midis qeverisë konservatore të Yoon dhe opozitës, e cila ka shumicën në parlament. /atvlive.tv
